Səudiyyə Ərəbistanı koronavirusa görə Məkkə və Mədinədə həyata keçirilən ziyarətləri müvəqqəti olaraq dayandırıb.

SalamNews bu barədə Səudiyyə Ərəbistanın dövlət xəbər agentliyi VAS-a istinadla məlumat verir.

Bildirilib ki, koronavirusun yayılmaması üçün Səudiyyə Ərəbistanı hökuməti bir sıra qabaqlayıcı tədbirlərə start verib və bu məqsədlə xaricdən ümrə ziyarəti və Mədinə şəhərinin ziyarəti üçün gələnlərin girişinə məhdudiyyətlər qoyulub.

Səudiyyə Ərəbistanın Xarici İşlər Nazirliyi də bəyanat yayaraq, ziyarət üçün ölkəyə girişə qoyulan məhduddiyyətin müvəqqəti olduğunu, turizm vizası ilə ölkəyə gələnlərin girişinə də məhdudiyyətlərin tətbiq edildiyini, hətta Körfəz Əməkdaşlıq Şurası ölkələrinin vətəndaşlarının Səudiyyə Ərəbistanına girişinə də müəyyən qadağaların tətbiq edildiyi bildirib.