ABŞ-ın Müdafiə naziri Mark Esper növbəti dəfə koronavirusla bağlı Çinin ünvanına ağır ittihamlar səsləndirib.

Publika.az-ın məlumatına görə, Pentaqon rəhbəri NBC televiziyasına müsahibəsində bildirib ki, Çin koronavirusla bağlı ABŞ-ı və düyanı səhv istiqamətə yönəldib. Çinin təqdim etdiyi məlumatlara inanmaq çətindir deyən Esperin sözlərinə görə, Pekin virusun ortaya çıxmasına dair dəlillər təqdim etməyib.

Xatırladaq ki, iki gün əvvəl Esper “Fox” televiziyasına açıqlamasında Çinin ünvanına oxşar ittihamlar səsləndirmiş, koronavirusun Pekinin addımları səbəbiylə pandemiyaya çevrildiyini bildirmişdi.