Məşhur filippinli boksçu Manni Pakuayo prezidentliyə namizəd olacaq.
Sport7.az xəbər verir ki, bunu boksçunun sabiq nümayəndəsi Bob Arum bildirib. O, 2016-cı ildən bəri Filippin senatında siyasətlə məşğul olan məşhur boksçunun 2022-ci ildə ölkə prezidenti olmaq üçün yarışacağını açıqlayıb.
Dünyanın ən məşhr boksçuları arasında adı çəkilən Pakuayo 2015-ci il mayın 2-də keçirilən "Əsrin matçıl" adlandırılan qarşılaşmada Floyd Meyvezerlə döyüşmüşdü. 12 raundluq döyüşdə Meyvezer qalib gəlmişdi. Bir çox avtoritet boksçu isə həmin görüşdə məhz Pakuayonun qalib gəlməli olduğunu, Meyvezerin tez-tez rəqibinə sarılaraq döyüşdən qaçdığını bildirmişdi.