“ABŞ hərbi qulluqçuları Almaniyanı tərk edəcəksə, Latviya onları qəbul etməyə hazırdır”. Ordu.az xarici KİV-lərə istinadən xəbər verir ki, bunu Latviyanın Müdafiə naziri Artis Pabriks “Bookings Institution” virtual konfransında deyib.
O bildirib ki, Latviya ABŞ qoşunları üçün vəsait ayırmağa da hazırdır.
“Almanları cəzalandırmağa çalışmırıq. Rəqabət etmək istəmirik, amma həqiqətən qoşunların çıxarılması qaçılmazdırsa, o zaman onları qəbul etməyə hazırıq” - deyə nazir qeyd edib.
Xatırladaq ki, ABŞ Almaniyadakı qoşunlarının bir hissəsini çıxarmağa hazırlaşır. Çıxarılan qoşunların bir hissəsi ölkəyə qayıdacaq, qalanı digər ölkələrə göndəriləcək.
Alpər Mövludoğlu
Ordu.az