Ağ Evin sözçüsü Trampın qalib gəlməsi üçün nəyin lazım olduğunu söylədi
5-11-2020, 10:44
ABŞ-ın hazırkı prezidenti Donald Tramp Arizona, Corciya və Pensilvaniya ştatlarında qələbə qazanacağı təqdirdə ikinci müddətə yenidən seçilə bilər.
KONKRET.az xəbər verir ki, bu fikri Ağ Evin mətbuat katibi Kaylee Makinani Fox News kanalının efirində söyləyib.
“Əlbəttə, zəfər yolunun Arizona, Pensilvaniya və Corciyadan keçdiyinə inanırıq” bildirib.
O, Ağ Evin hazırkı rəhbərinin Pensilvaniyada daha çox səs topladığını söyləyib.
Mətbuat katibi inamla deyib: “Biz Arizonada qalib gələcəyik”.
Makinaniyə görə, Pensilvaniyada səs saxtalaşdırması ola bilər.
Fox News yazır ki, Tramp 214 seçici səsi, Demokratik rəqibi Co Bayden 264 səs alıb. Qələbə qazanmaq üçün namizəd 270 səs toplamalıdır.
