David Norkuist Pentaqon rəhbəri vəzifəsini icra etməyə başlayır
20-01-2021, 04:09
ABŞ müdafiə nazirinin birinci müavini Devid Norkuist bu gündən müvəqqəti olaraq Demokrat Cozef Baydenin administrasiyasında Pentaqon rəhbəri vəzifəsini icra edəcək.
Trend-in TASS-a istinadən verdiyi məlumata görə, bu barədə brifinqdə səlahiyyətlərin yeni administrasiyaya ötürülməsindən məsul olan ABŞ Müdafiə nazirliyinin əməkdaşı Tomas Muir bildirib.
O əlavə edib ki, müvəqqəti olaraq Con Uitli Ordu (quru qoşunlar), Tomas Harker Hərbi-dəniz qüvvələri, Con Rit isə Hərbi-hava qüvvələri naziri vəzifələrini icra edəcəklər.
