Müxalifət Yerevanın mərkəzini blokadaya alır və...
27-02-2021, 00:25
Ermənistanın baş naziri Nikol Paşinyanın istefasını tələb edən "Vətənin xilası uğrunda hərəkat"ın yüzlərlə tərəfdarı parlamentin yanındakı Yerevanın mərkəzi prospektini mühasirəyə almaqda davam edir.
Virtualaz.org TASS-a istinadən bildirir ki, etirazçılar müxalifət liderlərinin yeni bəyanatlarını gözləyirlər.
"Bu gün bizim gələcək hərəkətlərimizlə bağlı çox vacib bəyanatlarımız olacaq", - deyə "Daşnaksütyun" partiyasının nümayəndəsi Geqam Manukyan bildirib.
Prospektdə vətənpərvərlik mahnıları səsləndirilir, zibil qutularından və küçə skamyalarından barrikadalar quraşdırılıb. Fəallar zaman-zaman hökumət əleyhinə şüarlar səsləndirirlər. Polislər gücləndirilmiş rejimdə xidmət aparırlar, lakin prospektləri mitinqçilərdən təmizləməyə çalışmırlar.