Amerikanın Ohayo ştatının Oksford şəhərinin meri Mayk Smit şəhər məclisinin üzvü Qlenn Ellerblə birlikdə Mayami universitetində iki Amerikalı erməni tələbəsi Endryu Devecyan və Teresa Aniyevin xahişi əsasında qəbul olunmuş 2 fevral 2021-ci il tarixli qərar ilə Azərbaycan Respublikasının 30 ilə yaxın işğal altında qalımış Yuxarı Qarabağ ərazisində qondarılmış separatçı-terrorçu erməni rejiminin tör-töküntülərni “tanıyıb”.

Moderator.az xəbər verir ki, sosial şəbəkələrin erməni seqmentində bu haqda məlumat Amerikanın şərq bölgəsinin erməni milli komitəsinə (“ANCA-ER”) istinadla yayılıb.

Təxminən 14.000 erməninin yaşadığı Ohayoda keçmiş Ohayo nümayəndəsi J. Todd Smitin 2020-ci ildə Ohayo qanunverici məclisinə təqdim etdiyi “HR367” qərarı da daxil olmaqla separatçı erməni xuntası üçün şəhər, əyalət və federal hökumət tərəfindən dəstək alınıb.

P.S. Belə addımların artıq mənası yoxdur – bütün dünya cəmi 44 gün ərzində qalib Azərbaycan ordusunu tanıdı. Və bu cür "siyasət" yürüdən əcnəbilər yalnız öz ölkələrinə növbəti üzqaralığı gətirirlər...