AZAL-da baqaj qalmaqalı: Sərnişindən 986 manat istədilər
Azərbaycan Hava Yolları (AZAL) ilə uçuş edən sərnişindən əlavə baqaja görə tələb edilən qiymətlər sərnişində narazılığa səbəb olub. O, Bakı–Moskva–Sankt-Peterburq reysi zamanı əlavə baqaj üçün tələb olunan yüksək məbləğləri videoya çəkərək qeydə alıb.

Hurriyyet.az xəbər verir ki, kadrlarda görünür ki, AZAL əməkdaşları sərnişinin baqaj yükünün çəkisini ölçürlər.

Sərnişin isə AZAL-ın işçilərinə üz tutaraq bildirir:

“37 kiloqrama görə 561 manat, 25 kiloqram çantaya isə 425 manat pul istəyirsiniz. Cəmi 62 kiloqrama görə 986 manat! Bu, bir nəfərin biletindən iki dəfə baha başa gəlir”.

Sərnişin sözlərinə görə, adi iki çantaya görə tələb olunan bu məbləğ qeyri-adekvatdır və AZAL-ın qiymət siyasətində şəffaflıq yoxdur.

Məsələ ilə bağlı AZAL-dan hələlik rəsmi açıqlama verilməyib.