Şoyqu sələfinin 1941-1945 müharibəsinin sənədləri barədə əmrini ləğv edib
Rusiyanın müdafiə naziri Sergey Şoyqu sələfi Anatoli Serdyukovun "1941-1945-ci illər Böyük Vətən müharibəsi dövründə Qırmızı Ordu və Dəniz Qüvvələrinin arxiv sənədlərinin məxfiliyinin açılması haqqında" əmrini ləğv etdi. AYNA Rusiya mediasına istinadən bildirir ki, müvafiq sərəncam rəsmi hüquqi internet portalında dərc edilib.

Bundan əlavə, sərəncamda "Rusiya Federasiyası Müdafiə Nazirinin 8 may 2007-ci il tarixli 181 nömrəli əmrində dəyişiklik edilməsi haqqında" 30 may 2009-cu il tarixli əmrin ləğvi nəzərdə tutulur.

Xatırladaq ki, sabiq nazir Serdyukov, 2007-ci ilin iyununda Böyük Vətən müharibəsinin arxivlərini məxfilikdən çıxardı. Nəticədə tədqiqatçılar əvvəllər mövcud olmayan sənədlərə giriş əldə etdilər. Həmin il may ayının əvvəllərində ictimaiyyət SSRİ-nin müharibədəki itkiləri barədə yenilənmiş məlumatlara giriş əldə etdi - bu mövzuda mübahisə 1945-ci ildən bəri davam edirdi. 1946-cı ildə SSRİ lideri İosif Stalin hərbi və mülki əhali arasında yeddi milyon ölüm elan etmişdi, sonra bu rəqəm davamlı olaraq çoxalırdı.

2007-ci ildə Hərbi Xatirə Mərkəzinin keçmiş rəhbəri Alexander Kirilin yenilənmiş məlumatlarına görə, Böyük Vətən müharibəsində ölən hərbçilərin sayının 8 milyon 860 min 400 olduğunu söylədi.