Hər şeyi edəcəyik ki, keçmiş Dağlıq Qarabağ Muxtar Vilayətinin 2020-ci ilin payızındakı müharibədə itirdiyimiz ərazilərini bərpa edək.

Axar.az xəbər verir ki, bunu Ermənistanın Təhlükəsizlik Şurasının katibi Armen Qriqoryan deyib.

Onun sözlərinə görə, Ermənistan güclü ordu qurmaq üçün Rusiyanın yardımlarına ümid edir. O, Rusiya ordusunda son 12 ildə aparılan reformların ən uğurlulardan ibarət olduğunu bildirib.

Qriqoryan, həmçinin Ermənistanın öz ordusu və müttəfiqləri vasitəsilə ərazi bütövlüyünü qorumağa qadir olduğunu deyib.