Bir sıra Qərb dövlətləri İranın neft və qaz sahəsinə külli miqdarda sərmayə yatırmaq istəyirlər, lakin sanksiyalar bu müqavilələrin reallaşmasına imkan vermir.

İran 2018-2021-ci illərdə 1,8 milyard barel nefti sata bilməyib ki, bu da dövlət büdcəsini 100 milyard dollar həcmində gəlirdən məhrum edib.

Teref.az AZƏRTAC-a istinadla xəbər verir ki, bu barədə məlumatı İranın yeni neft naziri Cavad Oruci deyib. O bildirib ki, sanksiyalar neftin ixracına və satılmasına böyük maneədir.

Qeyd olunub ki, iqtisadi sanksiyalar yalnız neftin ixracına deyil, eyni zamanda İrana neft hasilatı üçün yeni texnologiyaların gətirilməsinə və neft sahəsinə sərmayə yatırılmasına da imkan vermir.

Bir sıra Qərb dövlətləri İranın neft və qaz sahəsinə külli miqdarda sərmayə yatırmaq istəyirlər. Hətta Almaniya və digər Avropa dövlətləri ilə İran arasında müqavilələr də imzalanıb. Lakin sanksiyalar bu müqavilələrin reallaşmasına imkan vermir.