Pentaqon Rusiyanın aqressiyasının qarşısını almaq üçün Şərqi Avropaya əlavə qüvvələr göndərir.

Ölkə.az xəbər verir ki, ABŞ komandanlığı yaxın 1 il ərzində Avropadakı quru qoşunlarının sayını artıracaq.

Pentaqonun mətbuat xidmətindən verilən açıqlamada bildirilir ki, yeni hərbi kontingent 4200 hərbçidən, 250 ədəd tank, artilleriya qurğusu və digər zirehli texnikadan ibarət olacaq. Bundan əlavə Şərqi Avropaya göndəriləcək kontingentə 1700 ədəd əlavə köməkçi texnika da daxildir.

Pentaqonun bu qərarını şərh edən ABŞ müdafiə nazirinin müavini Robert Uork ölkəsinin bu addımı Rusiyanın Avropaya qarşı getdikcə artan aqressiyası ilə əlaqədar olaraq atdığını bildirib.

Hələlik Rusiya tərəfindən bu məsələyə rəsmi münasibət bildirilməyib.