Səudiyyə Ərəbistanı kralı Salman ibn Əbdül-Əzizin bacısı oğlu şahzadə Sultan bin Turki yoxa çıxıb.

Hafta.az bu barədə "The Guardian" nəşrinə istinadən xəbər verir. Şahzadə Parisdən Qahirəyə uçmalı imiş. Ancaq kral ailəsinin üzvü gözlənilən yerə gəlib çıxmayıb. Dostlarından biri deyib ki, uçuşdan öncə şahzadə Səud ailəsindən kimsə zəng edib və ona nə iləsə bağlı xəbərdarlıq etməklə yanaşı, Fransadan sərbəst şəkildə çıxa biləcəyini də söyləyib.

Xəbərdə xatırladılır ki, 2003-cü ildə Şahzadə Sultanı İsveçrədə oğurlayıb zorla geriyə - Ərəbistana qaytarıblar. Buna görə o, Səudiyyə hökuməti tərəfindən mühakimə olunmuşdu. Qeyd edilir ki, bundan öncə daha iki səud şahzadəsinin - Turki bin Bəndər və Səud bin Saif ən-Nasrin də itkin düşməsi barədə xəbərlər yayılıb.