ABŞ-ın Mərkəzi Kəşfiyyat İdarəsi Ukraynadakı ofisinin yerini müvəqqəti olaraq Kiyevdən köçürüb.

“Report” xəbər verir ki, bunu “Times” qəzeti yazıb.

Ofisin haraya köçürüldüyü haqda məlumat yoxdur. Nəşrin məlumatına görə, bu addım ABŞ-ın Rusiyanın Ukraynadakı fəaliyyətinə dair məlumatlar toplanmasını çətinləşdirəcək.

Qeyd edək ki, son zamanlar Qərb ölkələrində, eləcə də Kiyevdə Rusiyanın Ukraynaya mümkün müdaxiləsi ilə bağlı bəyanatlar səsləndirilir. Rusiya Prezidentinin mətbuat katibi Dmitri Peskov bu cür məlumatları boş və əsassız adlandırıb.