Artıq mağazalara, restoranlara və digər ictimai yerlərə getmək üçün maska ​​taxmaq və COVID-sertifikatı tələb olunmayacaq

İsveçrə fevralın 17-dən koronavirusla əlaqədar daha əvvəl tətbiq edilən sosial məhdudiyyətlərin əksəriyyətini ləğv edəcək.

Aznews.az xəbər verir ki, bu barədə ölkə hökuməti məlumat yayıb.

Belə ki, artıq mağazalara, restoranlara və digər ictimai yerlərə getmək üçün maska ​​taxmaq və COVID-sertifikatı tələb olunmayacaq. Həmçinin iş yerində maska ​​taxmaq tələbi və evdən işləmək tövsiyəsi də qüvvədən düşəcək.

İctimai nəqliyyatdan istifadə edərkən və tibb müəssisələrinə gedərkən tənəffüs orqanlarını qorumaq qaydası isə hələ martın sonuna qədər qüvvədə qalacaq. Koronavirus testi müsbət olanlar yenə də karantinə alınacaqlar.