Fevralın 17-dən etibarən İsveçrədə mövcud koronavirus məhdudiyyətlərinin əksəriyyəti, o cümlədən maskaların taxılması və ictimai yerlərdə COVID sertifikatlarının təqdim edilməsi zərurəti aradan qaldırılır.

Müvafiq qərarı ölkənin Federal Şurası qəbul edib.

“Fevralın 17-dən etibarən mağazalara, restoranlara, mədəniyyət obyektlərinə və digər ictimai yerlərə daxil olmaq, eləcə də kütləvi tədbirlərdə iştirak etmək üçün maskalar və COVID sertifikatları tələb olunmayacaq. İş yerində maska ​​taxmaq tələbi və evdən işləmək tövsiyəsi də qaldırılacaq”, - deyə hökumətin açıqlamasında bildirilib.

Qeyd olunub ki, ölkədə kütləvi tədbirlərə və toplantılara da icazə veriləcək.

Bununla belə, bir sıra tədbirlər ən azı mart ayının sonuna qədər məcburi olaraq qalacaq. Bular ictimai nəqliyyatda və səhiyyə müəssisələrində maskaların taxılması, həmçinin koronavirus testi müsbət çıxdığı halda izolyasiya tələbidir.

Mənbə: aif.ru