“BMT Ukrayna ilə bağlı humanitar təşəbbüslərlə Rusiyaya müraciət edib”.

AYNA xəbər verir ki, bunu jurnalistlərə BMT-nin baş katibi Antoniu Quterreş deyib.

Onun sözlərinə görə, qurum təkliflərlə bağlı Rusiyadan cavab gözləyir. Təkliflər arasında atəşkəs daxil olmaqla humanitar yardımın çatdırılması və mülki əhalinin evakuasiyası üçün dəhlizlərin yaradılması da var.

Quterreş hesab edir ki, hazırda Ukraynada ümumi atəşkəs mümkün deyil: “Mən humanitar səbəblərdən buna çağırıram”.

Bununla yanaşı, Quterreş müəyyən yerlərdə humanitar vəziyyətin yumşaldılması üçün yerli atəşkəs rejimlərinin yaradılmasının mümkünlüyünü də istisna etməyib.