ABŞ Ukraynaya təqdim etdiyi kəşfiyyat məlumatlarının həcmini əhəmiyyətli dərəcədə artırmaq niyyətindədir.

Modern.az xəbər verir ki, bu barədə "The Wall Street Journal" nəşri yazıb.

Məlumata görə, qərar ötən həftə qəbul edilib və məqsəd ukraynalı hərbçilərə rus qoşunlarının hücum istiqamətini daha yaxşı müəyyənləşdirməyə kömək etməkdir.

Qəzetin yazdığına görə, Amerika hakimiyyəti, həmçinin Ukraynaya elə kəşfiyyat məlumatları verəcək ki, bu, Ukrayna Silahlı Qüvvələrinə Krım və Donbassdakı hərbi hissələri hədəfə almağa və bu əraziləri potensial olaraq geri qaytarmağa imkan verəcək.