Ukrayna prezidenti Vladimir Zelenski Rusiya dəniz qüvvələrinin flaqmanı “Moskva” kreyserinin batmasında Ukrayna Silahlı Qüvvələrinin iştirakını təsdiqləməyib.

Qafqaz.media xəbər verir ki, bu barədə “RBC-Ukrayna” Zelenskinin BBC-yə müsahibəsində verdiyi açıqlamaya istinadən xəbər verir.

O, qeyd edib ki, Ukraynaya hücum edən və Qara dənizi blokadaya alan Rusiya ordusunda baş verənlər onu maraqlandırmır.

“Əgər Rusiyanın hərbi gücü azalırsa, deməli, bu pis deyil”, - deyə Zelenski əlavə edib.

Prezident Belqoroddakı hadisələrdən sonra Kremldən gələn təhdidlərə də münasibət bildirib. Zelenski vurğulayıb ki, Ukrayna təhdidləri ciddi qəbul edir, çünki onlar ukraynalıların ölümü ilə bağlıdır.

“Biz eyni zamanda Rusiya Federasiyasına təhdidlərin heç birindən qorxmuruq. Biz Rusiya Federasiyasının bizi təhdid edən bütün addımlarına cavab verəcəyik”, - deyə Zelenski bildirib.

Xatırladaq ki, Rusiya “Moskva” kreyserinin batdığını təsdiqləyib. Bununla belə, Rusiya Müdafiə Nazirliyi “Moskva” kreyserinin Ukraynanın “Neptun” gəmi əleyhinə raketləri ilə vurulduğunu təsdiqləmir.