Teref.az yazır ki, Almaniya hökuməti inflyasiyadan qorunmaq üçün xalqa 65 milyard avroluq dəstək verəcək
65 milyard avroluq yardım paketinə aşağıdakılar daxildir:
- Təqaüdçülərə 300 avro birdəfəlik birbaşa ödəniş ediləcək,
- Universitet tələbələrinə bir dəfə 200 avro ödəniləcək,
- Uşaq müavinəti 18 avro artırılacaq,
- İctimai nəqliyyatda 9 avroluq bilet əvəzinə bütün Almaniyada etibarlı olacaq yeni bilet tətbiqi gələcək. Müvafiq olaraq, 49 ilə 69 Avro arasında dəyişən aylıq abunələr olacaq.
- Gələn ilin əvvəlində həyata keçirilməsi planlaşdırılan "Bürgergeld" (Vətəndaşlıq Pulu) ilə bərabər, ehtiyacı olanlara ödənilən dəstək təxminən 500 avroya qədər artırılacaq. Hal-hazırda, "Grundsicherung" adlanan əsas yardım ilə ehtiyacı olan subay insanlara ayda 449 avro ödənilir.
- Daha çox insan mənzil yardımı alacaq. Mənzil yardımı almaq hüququ olan şəxslər qrupu 2 milyon vətəndaşa qədər genişləndiriləcək.
Cavid Həsənli
Teref.az