ABŞ prezidenti olduğu dövrdə jurnalist Bob Vudvorda silsilə müsahibələr verən Donald Trampın yeni audio yazıları üzə çıxıb. Səs yazılarında Trampın Ərdoğanla bağlı dediyi sözlər də gündəm olub.

Teref.az xəbər verir ki, səs yazıları 2020-ci ilə aiddir.

Söhbət “The Trump Tapes” adı ilə təqdim edilən 8 saatlıq səs yazısından gedir.

CNN tərəfindən yayımlanan səs yazılarında və audiokitablardan çıxarışlarda Donald Tramp Türkiyə prezidenti Rəcəb tayyib Ərdoğanla yanaşı Şimali Koreya lideri Kim Çen In və Rusiya prezidenti Vladimir Putin haqqında da açıqlamalar verib.

Tramp müsahibələrində Kim, Putin və Ərdoğanı bəyəndiyini söyləyib, onlardan ən ağıllısının isə özü olduğunu bildirib.

2020-ci ilin yanvarında qeydə alınan səs yazısında Tramp deyib: “Mən Ərdoğanla yaxşı anlaşıram, əslində elə olmamalıdır, çünki hamı onun qorxunc insan kimi xarakterizə edir. Amma bilirsən ki, mənim üçün yaxşı olacaq”. (teleqraf.com)