Ağ Evdə kasetli sursatların Ukraynaya çatdırılması ilə bağlı müzakirələr yenidən intensivləşib.

Teleqraf.com xəbər verir ki, bu barədə “Politico” mənbələrə istinadən yazır.

“Baydenin administrasiyası Kiyevə əks-hücum əməliyyatına kömək etmək üçün kaset sursatları göndərməyi ciddi şəkildə nəzərdən keçirir”, - nəşr yazır.

Məqalədə qeyd olunur ki, Ağ Evdə kaset sursatlarının tədarükü ilə bağlı müzakirələr Ukraynanın əks-hücum əməliyyatı dalana dirəndikdən sonra yenidən güclənib. Buna görə də bəzi ABŞ rəsmiləri hesab edir ki, bu cür döyüş sursatlarının tədarükü Ukraynanın əks-hücumunun gedişatını daha uğurlu edə bilər.