Ağ toz aşkar edildikdən sonra Ağ Evdə təxliyə prosesi həyata keçirilib.

Publika.az xəbər verir ki, yüksək rütbəli dövlət məmurlarının mühafizəsi ilə məşğul olan ABŞ Məxfi Xidməti (USSS) Amerika prezidentinin iqamətgahı ərazisində ağ tozun aşkarlanması ilə bağlı insidenti araşdırır. Bu barədə "Washington Post" qəzeti yazıb. İlkin məlumatlara görə, ağ toz kokain olub.

Məxfi Xidmətin sözçüsü Entoni Quqlielminin sözlərinə görə, aşkar edilmiş maddə hazırda əlavə sınaqdan keçirilir. Bunun Amerika prezident administrasiyasına necə daxil olduğu araşdırılır. USSS-in məlumatına görə, tapılan maddə heç bir təhlükə yaratmır. Lakin Quqlielmi kokainin tapıldığı konkret yeri və onun necə qablaşdırıldığını açıqlamaqdan imtina edib.

Bildirilir ki, ABŞ prezidenti ağ toz aşkarlanan vaxt iqamətgahda olmayıb.