Böyük Britaniyanın Avropa Birliyindən çıxması ilə bağlı təkrar referendum keçirilməsi üçün petisiyaya start verilib.

Axar.az xəbər verir ki, Britaniya parlamentinin saytında dərc edilən petisiyanı qısa müddətdə 800 mindən çox insan imzalayıb.

Qaydalara görə, petisiya 100 mini keçdiyi üçün parlamentin rəsmi cavab verməsi gözlənilir.

Qeyd edək ki, iyunun 23-də Britaniyada baş tutan referendumda əhalinin 51,9 faizi AB-dən çıxmağa səs verib.