Şimali Koreya peyklərinə müdaxiləni müharibə elanı kimi qiymətləndirəcək

2-12-2023, 10:47           
Şimali Koreya peyklərinə müdaxiləni müharibə elanı kimi qiymətləndirəcək
Koreya Xalq Demokratik Respublikası (KXDR)Yer orbitində ilk kəşfiyyat peykini ABŞ tərəfindən zərərsizləşdirmək cəhdlərini müharibə elanı kimi qiymətləndirəcək və buna bənzər hərəkətlərlə cavab verə bilər.

Bu barədə KXDR Müdafiə Nazirliyinin rəsmi nümayəndəsinin bəyanatında deyilir.

Nazirlik rəsmisi izah edib ki, bu yaxınlarda ABŞ Kosmik Qüvvələri komandanlığı Şimali Koreyanın peykinə hərbi zərbə endirmək ehtimalına eyham vurub:

“ABŞ Kosmik Qüvvələrinin KXDR peykinə qarşı düşmən və təhlükəli mövqeyi diqqətdən kənarda qala bilməz. Bu, bizim suverenliyimizə açıq-aşkar meydan oxumaq, daha dəqiq desək, ölkəmizə müharibə elan etməkdir.

Əgər ABŞ müasir texnologiyadan silah kimi istifadə edib suveren dövlətin hüquqlarına qəsd edərsə, o zaman biz beynəlxalq və milli normalara uyğun olaraq qanuni hüquqlarımızı həyata keçirəcəyik. Biz ABŞ peyklərinin həyat qabiliyyətini azaltmaq və ya onları tamamilə aradan qaldırmaq üçün cavab tədbirləri nəzərdən keçirəcəyik”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.