Yaponiyada heyvan peyini, daha dəqiq desək bu peyindən alınan mayeləşdirilmiş biometanla işləyən raket mühərriki uğurla sınaqdan keçirilib.

“Sınaq Taikidəki Hokkaydo Kosmik Start Mərkəzinin (HOSPO) kompleksində aparılıb və biometanın təmiz raket yanacağı kimi potensialını nümayiş etdirib. Bu əlamətdar hadisə özəl raket şirkəti üçün dünyada ilkdir”, - yapon raket istehsalçısı öz saytında bildirib.

Şirkət mühərrikin sınaqdan keçirilməsi zamanı heç bir problemin qeydə alınmadığını vurğulayıb. Plana görə, sınaqlar 2024-cü ilin yanvar ayının sonuna qədər davam edəcək. Bu tarixdən sonra isə “Interstellar Technologies” tərəfindən hazırlanmış ZERO raketinin buraxılışı planlaşdırılır.
Mənbə: iz.ru