Amerika hərbçiləri Yəməndə “Ansar Allah” hərəkatının (husilərin) hərbi komandanlığına tabe olan radiolakasiya stansiyasına hücum edib.

Bu barədə “Reuters” ABŞ Silahlı Qüvvələrinin Mərkəzi Komandanlığına istinadən məlumat yayıb.

“Bu zərbə “Carney” esminesləri tərəfindən quruda yerləşən “Tomahawk” hücum raketlərindən istifadə edərək həyata keçirilib və husilərin ticarət gəmiləri də daxil olmaqla dəniz gəmilərinə hücum etmək qabiliyyətini aşağı salmaq üçün yanvarın 12-də həyata keçirilən zərbələrin davamı olub”, - komandanlıq bildirib.

Bundan əvvəl yeni raket zərbəsi ilə bağlı məlumatı “Reuters”ə Amerika administrasiyasındakı mənbə təsdiqləyib.

Eyni zamanda, Britaniya nümayəndələri “Ansar Allah” hərəkatının (husi) qüvvələrinə qarşı yeni zərbədə iştirak edib-etmədikləri barədə məlumat verməyiblər.

Bir gün əvvəl ABŞ-nin BMT-dəki daimi nümayəndəsi Linda Tomas-Qrinfild Yəmənə endirilən zərbələri məqsədəuyğun və zəruri hesab edib.