Uels Baş naziri Mark Dreykford 5 illik səlahiyyət müddəti bitdikdən sonra parlamentdə yeni hökumət başçısının seçilməsi üçün səsvermə keçirilib.

Teleqraf.com xəbər verir ki, səsvermə nəticəsində 60 yerlik parlamentdən 27 səs toplayan Uels Leyboristlər Partiyasının lideri, 50 yaşlı Voqan Getinq ölkənin yeni baş naziri olub.

Getinqin adının bu postda təsdiqlənməsi üçün Böyük Britaniya Kralı III Çarlza göndəriləcək. Kralın təsdiqindən sonra Getinq and içəcək və kabinetini qurmağa başlayacaq.

Hazırda Böyük Britaniyada vəzifə yerinə yetirən 4 baş nazirdən 3-ü mühacirdir: İngiltərə Baş naziri Rişi Sunak Hindistan, Şotlandiya Baş naziri Həmzə Yusuf Pakistan, Voqan Getinq Zambiya əsillidir.

Uelsin yeni hökumət başçısı Avropada ilk qaradərili lider kimi qeydə alınıb.