İyulda Çində 880 min elektrik avtomobili satılıb.

İndex.az xəbər verir ki, bu rəqəm Çinin təkcə elektromobil bazarındakı gücünü deyil, həm də qlobal bazardakı əhəmiyyətini bir daha göstərdi.

İlin ilk yeddi ayında Çində plug-in hibrid avtomobillərin (PHEV) satışları keçən illə müqayisədə 70% artıb. Bu rəqəmlər Çinin elektrikli avtomobil inqilabına rəhbərlik etməyə davam edəcəyini göstərir.

Digər tərəfdən, Avropa bazarında işlər o qədər də yaxşı getmir. İyulda Avropada elektrikli avtomobil satışları 7,8% azalıb. Bu azalma Almaniya kimi böyük bazarlarda özünü daha qabarıq göstərdi. Bununla belə, Avropa Birliyinin Çindən gətirilən elektriklə işləyən avtomobillərə müvəqqəti gömrük rüsumları tətbiq etmək planı bazara təzyiqi daha da artıra bilər.

Xüsusilə Çin markaları bu vergilərdən təsirlənə bilər. Ancaq “Tesla” kimi markaların Avropadakı istehsal imkanları sayəsində bu vəziyyətdən daha az təsirləndiyi görünür. Berlindəki “Tesla” fabriki brendə Avropadakı bazar payını saxlamağa kömək edə bilər. Digər tərəfdən, Çinin nəhəngi BYD-nin Avropadakı əməliyyatları hələ də kiçik miqyaslı olduğundan, bu gömrük vergilərindən daha az təsirlənəcəyi gözlənilir.

Şimali Amerikada (ABŞ və Kanada) vəziyyət bir qədər müsbətdir. Elektrikli avtomobil satışları iyul ayında yüzdə 7,1 artdı. Bu nisbət, bölgədə elektrikli avtomobil qəbulunun artmaqda davam etdiyini və bazarın böyümə potensialına sahib olduğunu ortaya qoydu.

Çin elektrikli avtomobil bazarında liderliyini qoruyub saxlasa da, Avropa bazarı gömrük rüsumları və satışların azalması səbəbindən ağrılı günlər yaşayır. Başqa sözlə, bu rəqəmlər qlobal elektromobil bazarında balansların dəyişdiyini və hər bölgənin fərqli problemlərlə üzləşdiyini göstərdi.