Bu gün, avqustun 30-da, təxminən səhər saat 9:30-da Almaniyanın qərbindəki Troisdorf şəhərindəki hərbi zavodda güclü partlayış baş verib.

İki nəfərin ağır yaralanaraq xəstəxanaya aparıldığı bildirilir. Zavod “Diehl Defence” müdafiə konserninin törəmə şirkətləri olan “Dynitec” və “DynaEnergetics”ə məxsusdur və partlayıcı maddələr istehsal edir. Alman mediası yanğınsöndürmə xidmətinin bəyanatına istinadən yazır ki, zavod binasına ciddi ziyan dəyib. Polis hadisənin səbəbləri ilə bağlı araşdırmalara başlayıb. İlkin versiya kimi istehsalat qəzası hesab edilir.

Xatırladaq ki, may ayında Berlindəki başqa bir “Diehl” zavodunda da güclü yanğın baş vermişdi.