İranda ilk dəfə qadın hökumət sözçüsü seçilən Fatimə Mühacirani ölkənin bacarıqlı qadınları üçün layiqli bir nümayəndə olacağına ümid etdiyini bildirib.

Bu barədə Oxu.Az "Azad İran" "Telegram" kanalına istinadən xəbər verir.

"Ümid edirəm, hökumət elə fəaliyyət göstərəcək ki, insanlara yaxşı sözlərimi çatdıracağam. Mənim bir ana kimi çıxışım bütün ölkənin analarının qəlbini fərəhləndirəcək və gənclərimizi daha da ümidləndirəcək, o cümlədən ölkənin vəziyyəti günü-gündən yaxşılaşacaq", - deyə o qeyd edib.