ABŞ-ın yeni seçilən prezidenti Donald Tramp çərşənbə günü deyib ki, o, general Keyt Kelloqu prezidentin köməkçisi və Ukrayna və Rusiya üzrə xüsusi elçisi vəzifəsinə nominasiya edəcək.

Uzun müddət Trampın müdafiə məsələləri üzrə baş müşaviri olmuş təqaüddə olan ordu general-leytenantı Kelloq Trampın keçmiş vitse-prezidenti Mayk Pensin milli təhlükəsizlik üzrə müşaviri vəzifəsində çalışıb.

Tramp bu barədə açıqlamanı Truth Social hesabında edib və “O, əvvəldən mənimlə idi! Birlikdə biz GÜC YOLU İLƏ SÜLHÜ təmin edəcəyik və Amerikanı və Dünyanı YENİDƏN TƏHLÜKƏSİZLİK EDƏCƏYİK!" yazıb.

Kelloqun namizədliyi Rusiyanın Ukraynaya hərbi müdaxiləsi fevral ayında üçüncü ilinə qədəm qoyduğu vaxta təsadüf edir.

Tramp Bayden administrasiyasının Ukraynaya milyardlarla dollar göndərməsini tənqid edib. Vaşinqton bu yaxınlarda silah tədarükünü artırıb və Kyivə verdiyi milyardlarla dollar borcu bağışlayıb. Yaxında vəzifəyə gələcək Respublikaçı prezident müharibəni 24 saat ərzində bitirə biləcəyini söyləyib. Onun bu sözləri onun Ukraynaya hazırda Rusiyanın işğalı altında əraziləri təslim etməsi üçün təzyiq göstərəcəyinə işarə edib.

Kelloq aprel ayında Tramp vəzifədən gedəndən sonra növbəti Respublikaçı administrasiyanın təməlinin qoyulmasına kömək etmək üçün yaradılan bir neçə qrupdan biri olan Amerika Birinci Siyasət İnstitutu üşün yazısında yazmışdı ki, “Rusiya-Ukrayna müharibəsini sona çatdırmaq üçün güclü, ‘Amerika Birincidir’ rəhbərliyi tələb olunacaq ki, sülh razılaşması əldə olunsun və iki müharibə edən tərəf arasında hərbi əməliyyatlar dərhal dayandırsın."