Müharibə müşahidəçiləri və dövlət mediası bildirir ki, Suriya hökumət qüvvələri bir sıra qəsəbələri ələ keçirdikdən və Həma şəhərini bağladıqdan sonra Rusiyanın idarə etdiyi hava bazasına yaxınlaşan islamçıların rəhbərlik etdiyi üsyançılara qarşı əks-hücum əməliyyatına başlayıb.

Hökumət qüvvələrinin əks-hücumları İslamçı Heyət Təhrir əl-Şam (HTS) qruplaşmasının başçılıq etdiyi üsyançıların son bir neçə gün ərzində blits irəliləməsindən sonra həyata keçirilib.

Onlar ölkənin ən böyük şəhəri olan Hələbi, eləcə də 14 mərkəzi kənd və qəsəbəni ələ keçirib və Xmeymim aviabazasınını 35 kilometr yaxınlığına qədər yaxınlaşıb.

Prezident Bəşər Əsəd rejimi 2015-ci ildə Moskvanın Dəməşqə dörd il davam edən vətəndaş müharibəsində dəstək verməsi üçün hava bazasını Rusiyaya təhvil vermişdi.

Suriyanın dövlət xəbər agentliyi SANA bildirib ki, dekabrın 4-də Rusiyanın hava hücumları ilə dəstəklənən hökumət qoşunları üsyançıları şəhərin kənarında dəf etdikdən sonra üsyançılar Həmadan təxminən 20 kilometr geri çəkiliblər.

Britaniyada yerləşən Suriya İnsan Haqları Müşahidə Qrupu üsyançıların cəmi 10 kilometr geri çəkildiyini bildirib.

Dəməşqin müdafiəsində əhəmiyyətli rol oynayan Həma, strateji Rusiya hərbi dəniz bazasına ev sahibliyi edən sahil şəhərləri olan Tartus və Latakiyaya açılan qapıdır.

Üsyançılar arasında HTS ilə yanaşı, Türkiyənin dəstəklədiyi silahlı dəstələrdən ibarət Suriya Milli Ordusu adlı qrupu da var.

BMT-nin Suriya üzrə xüsusi nümayəndəsi Geir Pedersen dekabrın 3-də bildirib ki, döyüşlər nəticəsində on minlərlə dinc sakin evlərini tərk edib.