“Ukrayna buna məcbur olacaq” - Sabiq Baş komandan açıqladı

29-12-2024, 10:43           
“Ukrayna buna məcbur olacaq” - Sabiq Baş komandan açıqladı
Ukrayna səfərbərlik yaşının azaldılmasına məcbur olacaq və ümumilikdə səfərbərliyə, xüsusən də hüquq-mühafizə orqanlarının hərbi əməliyyatlarda bilavasitə iştirakına cəlb edilməsi məsələlərinə yanaşmanı dəyişməli olacaq.

Bunu “Azadlıq” radiosuna müsahibəsində Ukrayna Silahlı Qüvvələrinin keçmiş Baş komandanı, general Viktor Mujenko deyib: “Bu, mənim fikrimdir, amma təəssüf ki, biz buna (səfərbərlik yaşının aşağı salınmasına – red.) gedəcəyik”.

Generalın dediyinə görə, səfərbərlik yaşının 18-ə, yoxsa 20-yə endirilməsi müzakirə oluna bilər. Bununla yanaşı, onun fikrincə, Ukrayna hüquq-mühafizə orqanlarının əməkdaşları da rotasiya qaydasında orduya cəlb edilməlidirlər.

Onu da qeyd edək ki, bu günlərdə Ali Radanın İqtisadi İnkişaf Komitəsinin müşaviri Nazariy Volyanski bildirmişdi ki, səfərbərlik yaşının aşağı salınması ilə bağlı qərar gələn ilin əvvəlində verilə bilər.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.