Gürcüstanın altıncı Prezidenti Mixeil Kavelaşvili and içib.

KONKRET.az xəbər verir ki, 300 üzvdən ibarət seçicilər kollegiyasının müəyyənləşdirdiyi yeni Prezident, 53 yaşlı keçmiş futbolçu, “Xalqın gücü” hərəkatının üzvü olan Kavelaşvilinin inaqurasiya mərasimi Tbilisidə, parlament binasında baş tutub.

Dövlət başçısı İncil və Konstitusiyaya and içib. Mərasimdə “Gürcü arzusu”nun fəxri sədri Bidzina İvanişvili də iştirak edib. Diplomatik korpus tədbirə dəvət olunmayıb.
Qeyd edək ki, müxalifət və sabiq prezident Salome Zurabişvili Kavelaşvilinin legitimliyini tanımadıqlarını bəyan edib.

***

Gürcüstanın altıncı Prezidenti Mixeil Kavelaşvilinin andiçmə mərasimi keçirilib.

KONKRET.az xəbər verir ki, bu barədə Gürcü mediası məlumat yayıb.

***

Gürcüstan prezidenti Salome Zurabişvili yeni dövlət başçısı Mixail Kavelaşvilinin andiçmə mərasimindən sonra Tbilisidəki prezident sarayını tərk edəcək, lakin o, prezident postunda qalmaq niyyətindədir.

KONKRET.az xəbər verir ki, bu barədə dövlət başçısı brifinqdə bildirib.

“Mən buradan gedəcəm”, – Zurabişvili sarayın qarşısında toplaşan etirazçılara deyib. Dekabrın 29-da səhər saatlarında prezident Salome Zurabişvilinin postunu tərk etmək niyyətində olmadığı barədə bəyanatları fonunda iki minə yaxın insanın Tbilisinin mərkəzindəki prezident sarayına gəldiyi bildirilib.