Qərar “İnformasiya, informasiya texnologiyaları və informasiyanın mühafizəsi haqqında” Federal Qanuna əsasən qəbul olunub.
Rusiya Federasiyası Hökuməti sosial şəbəkələrdəki kanallar və 10 min nəfərdən çox auditoriyaya malik ani messencerlər haqqında məlumatların "Roskomnadzor"a verilməsi qaydalarını təsdiqləyib. Bu barədə müvafiq qərar normativ hüquqi aktların rəsmi dərci portalında yerləşdirilib.
“İnformasiya, informasiya texnologiyaları və informasiyanın mühafizəsi haqqında” Federal Qanunun 10-cu maddəsinə uyğun olaraq, Rusiya Federasiyası Hökuməti sosial şəbəkə istifadəçiləri haqqında məlumatların Rabitə, İnformasiya Texnologiyalarına və Kütləvi Kommunikasiyalara Nəzarət Federal Xidmətinə verilməsi qaydalarının təsdiq edilməsi haqqında qərar qəbul edir”, - sənəddə deyilir.

Rəqəmsal İnkişaf Nazirliyinin mətbuat xidmətindən bildirilib ki, sənəd əvvəlcə sınaq rejimində işləyən 10 min abunəçisi olan kanalların "Roskomnadzor" sahiblərinin xüsusi siyahısına daxil edilməsi üçün "Qosusluqi" xidmətindən istifadə təcrübəsini nəzərə alır.
O da bildirilib ki, bundan sonra onun işi daimi xidmət rejimində davam edəcək.
“Hazırda sosial şəbəkələrdə kanal və səhifələrin sahibləri Dövlət Xidmətləri vasitəsilə "Roskomnadzor"a artıq 140 min ərizə veriblər”, - mətbuat xidməti əlavə edib.

Nazirlik onu da xatırladıb ki, 2025-ci il yanvarın 1-dən reklamçılar "Roskomnadzor" siyahısına daxil edildiyini göstərən işarəsi olmayan kanalda və ya səhifədə reklam yerləşdirə bilməyəcəklər. Bu cür səhifənin yaradıcısına isə fəaliyyətinin maliyyələşdirilməsi yolları barədə məlumat göstərmək qadağan ediləcək.
Bundan əlavə, digər kanallar onun səhifəsindən yazıları da repost edə bilməyəcək.
“Belə bir sosial şəbəkə istifadəçisi Roskomnadzor siyahısına daxil olan kimi məhdudiyyətlər aradan qaldırılacaq”, - Rəqəmsal İnkişaf Nazirliyindən əlavə edilib.
Noyabrın 1-dən etibarən "Roskomnadzor" 10 mindən çox abunəçi auditoriyası olan bloqların və kanalların siyahısını еэкеши увшк.
Sosial şəbəkələrdə kanalın və ya səhifənin qeydiyyatı forması Dövlət Xidmətlərində yerləşdirilib.
Qeyd edilir ki, əgər bir neçə kanal və ya səhifə varsa, hamısı üçün ayrıca ərizələr təqdim edilməlidir.