İsveç Kilsəsi və İsveç Mülki Müdafiə Agentliyi münaqişə və ya böhran vəziyyətində ölkədə daha çox qəbiristanlığa ehtiyac olacağını açıqlayıb.

Bu barədə "Euronews"da yayımlanan videoda qeyd olunur.

Belə ki, İsveçdə dəfn xidməti agentliyi böhran və ya müharibə zamanı əlavə qəbir yerinə ehtiyac yaranacağını əsas götürərək daha çox torpaq almaq qərarına gəlib.

Bildirilir ki, təşəbbüs İsveç Kilsəsinin milli katibliyindən və İsveç Mülki Müdafiə Agentliyindən gəlib.

Hər iki qurum Rusiya ilə artan regional gərginlik və İsveçin NATO-ya üzv olmaq qərarı fonunda gözlənilə biləcək qarşıdurmaya hazır olmağı məsləhət görür.