Bolqarıstanın Texniki Hökumətinin Baş naziri Dimitar Qlavçev yanvarın 1-də ölkəni Şengen zonasından ayıran sərhədin simvolik açılış mərasimini keçirib.

TEREF APA-ya istinadən xəbər verir ki, TASS-ın verdiyi məlumata görə, Kulata keçid məntəqəsindəki maneələr aradan qaldırılıb, pasport yoxlamaları aparılmır və nəqliyyat Yunanıstanla sərhədin kəsişməsindən gecikmədən keçir.

“Uzun illər gözləmədən və çoxsaylı yoxlamalardan sonra biz sərbəst hərəkəti təmin etməyə və Şengen zonasının təhlükəsizliyini qorumağa çox yaxşı hazırlaşırıq. Bu gün bir çox mütəxəssislərin səylərinin zirvəsi olan tarixi bir hadisə baş verdi, Şengen reallığa çevrildi. Əminəm ki, biz birlikdə çalışaraq Avropa İttifaqının xarici sərhədlərini daha da yaxşı qoruyacağıq”, - deyə baş nazir bildirib.

Sərhəd polisinin direktoru Anton Zlatanov izah edib ki, hərəkət azadlığı nəzarətin olmaması demək deyil.