ABŞ Prezidenti Donald Tramp cümə axşamı günü Kapitolidə keçirilən Milli Dua Səhər yeməyində keçən il baş verən iki sui-qəsd cəhdindən sonra dinə münasibətinin "dəyişdiyini" deyib və amerikalılara "Allahı həyatımıza geri gətirməyi" təklif edib.

Tramp Vaşinqton ənənəsinə uyğun olaraq, 70 ildən artıq bir müddət ərzində hər il iki partiyalı qanunvericiləri bir araya gətirən tədbirə qoşulub. O, həmçinin Vaşinqtondakı bir oteldə özəl bir qrup tərəfindən təşkil edilən başqa bir dua səhər yeməyində də çıxış etməlidir.

"Əminəm ki, din olmadan, inam olmadan insan xoşbəxt ola bilməz.
Gəlin, dini geri gətirək. Gəlin, Allahı həyatımıza geri gətirək" - deyə, prezident bildirib.

Tramp keçən il Pensilvaniyanın Batler şəhərindəki bir mitinqdə ona atılan güllənin onu öldürmədiyini xatırlayaraq, qanunvericilərə və iştirakçılara deyib: "Bu, mənim içimdə bir şeyi dəyişdi, hiss edirəm."

O davam edib "Daha da güclü hiss edirəm. Mən Allaha inanırdım, amma indi daha çox inanıram. Bir şey oldu".

Tramp bu hadisənin "saçıma heç bir təsir etmədiyindən" şükürlə bəhs edərək, iştirakçıları güldürüb.

O, qeyri-denominasiya xristianı olaraq dini azadlıqların "Amerika həyatının təməlini təşkil etdiyini" deyib və onu "tam sədaqətlə" qorumağa çağırıb.

Tramp və onun administrasiyası artıq dini liderlərlə qarşıdurmalar yaşayıb, o cümlədən, o, andiçmə mərasimindən sonrakı gün Müqəddəs Mariann Baddenin çağırışı ilə razılaşmayıb. Badde LGBTQ+ icması və qeyri-qanuni şəkildə ölkədə yaşayan miqrantlar üçün mərhəmət çağırışı etmişdi.

Vitse-prezident JD Vans katolikdir və miqrasiya məsələləri ilə bağlı öz kilsəsinin rəhbərləri ilə mübahisələr aparıb. Bəzi dini rəhbərlər isə ölkə üzrə kilsələrin həssas sahələr siyahısından çıxarılmasından narahatdır. Bu, federal məmurlara ibadət yerlərində miqrasiya tədbirləri həyata keçirməyə imkan verirdi.