ABŞ Prezidenti Donald Tramp iki böyük dövlət qoruğunun bağlanması barədə fərmanlar imzalamağa hazırlaşır.

Bu barədə "The Washington Post" qəzeti xəbər verir.

Söhbət ABŞ-nin keçmiş lideri Co Bayden tərəfindən yaradılmış qoruqlardan gedir. Onlardan biri Kaliforniya ştatının cənubunda yerləşən Çakuolla qoruğu, digəri isə eyni ştatın şimalında yerləşən Sattitla-Haylends qoruğudur.

Materialda vurğulanır ki, D.Tramp ilk prezidentlik dövründə Yuta ştatında yerləşən digər iki dövlət qoruğunun sahələrinin kiçildilməsi barədə fərmanlar imzalayıb.

Lakin icmalçıların sözlərinə görə, hazırda ABŞ prezidentinin qoruqları tamamilə bağlamaq səlahiyyətlərinin olub-olmadığı məlum deyil.