Bu gün, Almaniyanın qlobal siyasətə qayıdışı günü kimi tarixə düşəcək.
Gələcək kansler Mertsin təşəbbüsü ilə Almaniyanın müdafə xərclərini məhdudlaşdıran limitlər ləğv olundu. 734 deputatdan 520 nəfər lehinə səs verdi. Məhdudiyyətlərin ləğvi üçün 489 səs lazım idi. Merts Almaniyanın müdafiə xərclərinin artırılması üçün 500 milyard avroluq infrastruktur fondu yaratmaq niyyətindədir.
P.S. 1949-cu ildən sonra ümumilikdə Almaniyanın müdafiə xərcləri ÜDM-in 1-1,5%-i səviyyəsində saxlanılırdı. Bu məhdudiyyət qaldırılandan sonra NATO-nun tələbləri fonunda müdafiə xərclərinin ÜDM-in 2%-i səviyyəsinə çatdırılmasını hədəfləyir. Bundan başqa hazırda Bundeswehr-də təxminən 180,000 hərbçi xidmət edir və şəxsi heyətin sayının artırılması planlaşdırılır. Mövcud hədəf 203.000 olsa da, NATO-nun tələblərinə uyğun olaraq bu sayın 230.000-ə çatdırılması müzakirə olunur.
Kamran Cəfərov