Suriya bir neçə həftə ərzində beynəlxalq bank ödəniş sistemi olan SVİFT-ə tam şəkildə yenidən qoşulacaq. Bu addım ölkənin 14 illik müharibə və sanksiyalardan sonra qlobal iqtisadiyyata qayıdışını rəsmi şəkildə təsdiqləyəcək.
Bu barədə “Faynənşl Tayms” yazıb.

“Bu, yeni hökumətin iqtisadiyyatı liberallaşdırmaq yolunda ilk mühüm addımı kimi qiymətləndirilir. Həmçinin ABŞ-ın keçən ay tətbiq etdiyi sanksiyaların ləğvindən sonra Suriya rəhbərliyinin beynəlxalq ticarət və investisiyaları cəlb etməyə çalışdığının göstəricisidir”, - məlumatda bildirilib.