“Tesla” şirkəti iyunun 12-də planlaşdırılan kommersiya təqdimatından bir neçə gün öncə ABŞ-nin Ostin şəhərində tam sürücüsüz taksi layihəsinin sınaq mərhələsini başlayıb.
İqtisadiyyat.az xəbər verir ki, bu, şirkətin şəhərin avtonom nəqliyyat operatorları reyestrində “sınaq” statusu ilə ilk dəfə qeyd olunmasıdır.

Əvvəlki illərdə bir il müddətində sınaqlar keçirən “Waymo” ilə fərqli olaraq, "Tesla" sınaqlara əvvəlcə insan müşahidəçiləri ilə başlayıb, sonra isə təhlükəsizlik sürücüləri olmadan testləri davam etdirib. Lakin xidmətin bu ay tam işə düşüb-düşməyəcəyi hələ də sual altındadır.

Şirkət avtonom nəqliyyat parkının idarə edilməsində strategiyasını yeniləyərək, 2016-cı ildən satılan “Full Self-Driving” (FSD) modellərinin sürücüsüz idarəetməyə uyğunlaşdırılması və Ostinin coğrafi məhdudlaşdırılmış zonasında xüsusi konfiqurasiya edilmiş avtomobil parkının uzaqdan idarəetmə dəstəyi ilə işləməsi üzərində fokuslanır.