Sloveniya hökuməti Qəzza zolağında vəziyyəti qızışdırmaqda ittiham etdiyi iki İsrail nazirinin ölkəyə girişini qadağan edib.

Bu barədə Sloveniya hökumətinin mətbuat xidməti məlumat yayıb.

Sloveniyanın sanksiyaları İsrailin milli təhlükəsizlik naziri İtamar Ben-Qvir və maliyyə naziri Bezalel Smotriçə aiddir.

“Onlar İordan çayının qərb sahilində qeyri-qanuni İsrail yaşayış məskənlərinin genişləndirilməsini, fələstinlilərin məcburi köçürülməsini müdafiə edirlər. Eyni zamanda mülki Fələstin əhalisinə qarşı zorakılığa çağırırlar”, – Sloveniya hökumətindən bildirilib.

Əlavə olunub ki, bu bəyanatlar Beynəlxalq Ədalət Məhkəməsinin 2024-cü ilin iyulunda qəbul edilən və İsrailin işğal olunan ərazilərdəki siyasət və praktikasına dair qərarına ziddir./Globalinfo.az