Polşalılar təhlükəsizlik məsələsində Trampa etibar etmir

Polşanın hər ikinci vətəndaşı hesab edir ki, onların ölkəsi milli təhlükəsizlik məsələlərində ABŞ prezidenti Donald Trampa etibar edə bilməz.

Reyting.az xəbər verir ki, bu, “SW Research” şirkətinin Onet portalı üçün keçirdiyi sorğunun nəticəsində bəlli olub.

Sorğu iştirakçılarına Polşanın milli təhlükəsizlik məsələlərində Donald Trampa etibar edə biləcəyi sualı verilib.

Respondentlərin 49,1 faizi mənfi cavab verib ki, bu da onların Amerika prezidentinin hərəkətlərindən əmin olmadığını göstərir.

Bununla belə, respondentlərin 28,9 faizi “hə” variantını seçib, 22 faizi isə “bilmirəm/demək çətindir”,- cavabını qeyd edib.

Onet yazır ki, bu nəticələr başqa bir sorğunun nəticələri ilə demək olar, üst-üstə düşür, burada polşalılardan Trampın Ukraynadakı müharibəni bitirib-bitirməyəcəyi soruşulub. Daha sonra respondentlərin demək olar ki, yarısı onun uğur qazanmayacağı fikrini bildirib.

Polşa bundan əvvəl Vaşinqtonun belə bir qərar verəcəyi təqdirdə Avropada Amerika qoşunlarının mövcudluğunun azaldılması ilə üzləşən sonuncu ölkə olacağına inandığını bildirmişdi.

Digər bir sorğu göstərdi ki, Polşa vətəndaşlarının əksəriyyəti gələcək təhlükəsizlik zəmanətlərinin bir hissəsi kimi Ukraynaya potensial qoşun yeridilməsinin əleyhinədir.