İŞİD-in başçısı Bakir əl-Bağdadi İraqın qərbinə endirilən aviazərbələr nəticəsində ağır yaralanıb.

teref.az virtualaz.org-a istinadən xəbər verir ki, xəbəri bu gün təhlükəsizlik sahəsindəki mənbələrinə istinadən əl-Sumaria və əl-Hurra peyk telekanalları yayıb.

Terror qruplaşması başçısının aradan götürülməsi və yaralanması barədə KİV-də əvvəllər də dəfələrlə xəbərlər yayılıb. Amma sonradan onlar öz təsdiqini tapmayıb.

Əl-Hurra kanalı bildirib ki, əl-Bağdadi fevralın 9-da əl-Kaim şəhərinə endirilən aviazərbə vaxtı yaralanıb. Onun ora İŞİD rəhbərliyinin qurultayına gəldiyi bildirilir. Məlumata görə, aviazərbəni İraq Hərbi Hava Qüvvələrləri endirib.

Kanalın məlumatına görə, İŞİD-in başçısı "ağır yaralanıb və müalicə üçün Suriyaya çatdırılıb”. Digər bir neçə terrorçu isə həlak olub.

Kanal iddia edir ki, informasiya "İraqın Daxili İşlər Nazirliyindəki kəşfiyyat bölməsindən" alınıb.