Venesuelada aprelin 4-dən davam edən iğtişaşlar nəticəsində ölənlərin sayı 37 nəfərə çatıb.

APA-nın TASS agentliyinə istinadən verdiyi xəbərə görə, ötən gün Suliya və Karabobo ştatlarında hökumətə qarşı nümayişdə iki gənc odlu silahdan açılan atəş nəticəsində ölüblər.

Bundan əvvəl Venesuela prokurorluğu kütləvi iğtişaşlar zamanı 35 nəfərin öldüyü, 717 nəfərin xəsarət aldığını bildirib. Ölüm faktlarının 18-i paytaxt Karakasda qeydə alınıb.

Qeyd edək ki, aprelin 4-də Ali Məhkəmə müxalif parlamentin hakimiyyətini xeyli məhdudlaşdıran qərar qəbul edib. Qərar ölkədə kütləvi etirazlara və iğtişaşlara səbəb olub.