Rusiya prezidenti Vladimir Putin “Kortej” layihəsi çərçivəsində ən yeni limuzini sınaqdan keçirib.

Oxu.Az-ın məlumatına görə, bu barədə “İzvestiya” qəzeti sənaye və ticarət naziri Denis Manturova istinadən yazıb.

Nazirin sözlərinə görə, dövlət başçısı “prototip A” adlı avtomobili sürüb. Məhz bu nəqliyyat vasitələri 2017-ci ildə Federal Mühafizə Xidmətinə veriləcək.

“Vladimir Putin artıq layihə və onun müxtəlif mərhələləri ilə tanış olub”, - Manturov deyib. O bildirib ki, prezident layihədən razı qalıb.

Qeyd olunur ki, prezidentin yeni avtomobili güllə keçirmir.