ABŞ-da kimya zavodunda yanğın olub.
"Report" xəbər verir ki, bu barədə "ABC" telekanalı məlumat yayıb.
Məlumatda qeyd olunur ki, hadisə Kaliforniya ştatında baş verib. Ştatın Ridli şəhəri yaxınlığındakı kimya zavodunda baş vermiş yanğının söndürülməsinə bir neçə yanğınsöndürən texnikası və canlı qüvvə cəlb edilib.
Telekanalın məlumatına görə, ərazidə qalın tüstü qalxıb və partlayış səsi eşidilib.
Xəsarət alanlar barədə məlumat daxil olmayıb.